कजरी - ओमप्रकाश

आप का इस बेवसाइट पर स्‍वागत है।  साहित्‍य सरोज पेज को फालो करें(  https://www.facebook.com/sarojsahitya.page/
चैनल को सस्‍क्राइब कर हमारा सहयोग करें https://www.youtube.com/channe /UCE60c5a0FTPbIY1SseRpnsA

भइया अइहँय लइ जवावय हो नैहरवा सावन रितु आयी ननदी
बदरा गरजय बिजुरी चमकय जम के बरसै पानी
दादुर मोर कोयलिया गावय झूमय बरखा रानी
आवन कय दे रहा सँदेसा कउवा बइठ अटारी
नेहा तरसे राह देखते कर बैठी तैयारी
बचपन की सखियन से होये हो मिलनवा सावन रितु आयी ननदी-------

इतनी खुश हइ आज सखी रे माई बाबू मिलिहैं
छोटी बहिनी भैयन से मिलि मनके फुलवा खिलिहैं
रहिया बाग बगीचा सब तौ मनमा बसे हमारे
भूलीं कहाँ हई अठखेली कवनव द्वार ओसारे
अमवा की डारी पा झुलबय हो झुलनवा सावन रितु आयी ननदी .....

रक्षा बंधन तीज अउर त्योहार मने सब नीकय
खुशी खुशी हम लउट के अउबय आशीष लइके सबकय
भेज दिहू तू आपन भइया सावन बीते तुरतै
दुखी न होवा एक महीना जल्दिन हँसिके बीतै
बदरी छाई बा देखा तो हो गगनवा सावन रितु आयी ननदी .....

ओम प्रकाश शुक्ल
दिल्ली